Recepts cun chaschiel d’alp

Ina gronda collecziun da recepts cun chaschiel d’alp chattais Vus en la banca da datas da Swissmilk sut il chavazzin «Alpkäse» u «fromage d’alpage».

 

 

Recepts Swissmilk cun chaschiel d'alp

Salata da chaschiel d’alp

Ingredienzas per 4 persunas

3 tg aschieu d’ervas
2 tp mustarda
sal, paiver
5 tg ieli da ravun

far ordlonder ina sosa da salata

300 g chaschiel d’alp mez dir u dir (p.ex. giuven Berner Alpkäse AOP) taglià en quadrins
1 moni da sellerin mez grond, lavà, taglià en rudels
2-3 servelas, spaletschadas, tagliadas permez per lung ed en talgias
1-2 mails cotschens, lavà/-ads, dividì/-ids en quarts, taglià/-ads en tochins
1 tschagula cotschna, tagliada en finas sdrimas

agiuntar a la sosa e maschadar tut. Servir en ina stgadella u sin tagliers.

Macaruns d’alp cundids

Ingredienzas per 4 persunas

1,2 l latg
1 fegl d’arbaja
2 neghels
nusch-mustgat, paprica, sal
1 con d’agl, taglià en talgias
1/2 peperoncini cotschen, taglià en rudels, ev. senza cocs
500 g tartuffels da consistenza ferma, spaletschads, tagliads en bastunets
400 g carottas, spaletschadas, tagliadas en bastunets
200 g pasta, p.ex. macaruns
150 g chaschiel d’alp grattà
3-4 tg tschagugliuns, tagliads fin per garnir

Far buglir il latg e tut las ingredienzas fin e cun il peperoncini. Agiuntar ils tartuffels, las carottas e la pasta e laschar coier senza viertgel 12-15 minutas fin che tut è cotg, truschar savens. I duess avair mo pli pauc liquid.

Curt avant che servir agiuntar il chaschiel e springir suravi ils tschagugliuns.

Tip: servir cun quadrins da charnpiertg fimentadas u cun rudels da tschagula ustrids e buglia da maila.