Suflà da chaschiel d'alp

Ingredienzas per 4 persunas

  • 40 g paintg
  • 4 tschaduns gronds farina
  • 4 dl latg
  • sal, nusch-mustgat, paiver e paprica
  • 4 ovs
  • 150 g chaschiel d’alp dir, grattà
  • • in zic paintg per la furma da scuflà (grondezza: ca. 1,5 liters)

 

Preparaziun

Stgaudar il paintg en ina padella. Agiuntar la farina e la stufar enten truschar cuntinuadamain cun il scuet. Derscher tiers il latg e dar in bugl, truschar d’in cuntin. Reducir la chalira e laschar coier levet la maschaida ca. 5 minutas. Cundir.

Prender davent la padella da la platta e laschar sfradentar in zic il liquid. Separar ils alvs d’ov dals mellens d’ov. Truschar ils mellens d’ov cun ina furtgetta ed agiuntar els a la maschaida ensemen cun il chaschiel d’alp. Trair ils alvs d’ov e maschadar els precautamain cun la massa da chaschiel.

Engrassar il fund da la furma da suflà. Emplenir la massa en la furma.

Far coier il suflà per ca. 45 minutas sin 180° sin la crenna dal furnel il pli giudim. Betg avrir il furnel durant il temp da coier.

 

Servir il suflà cun ina salata. El s’adatta fitg bain sco avantpast u sco garnitura per charn e verdura d’in menu da festa.

PDF per stampar