Spargias gratinadas cun sosa da chaschiel d'alp

Ingredienzas per 4 persunas

1 kg spargias alvas, verdas u dad omaduas sorts
30 g paintg
2 tschaduns gronds farina
4 dl latg
sal, paiver e nusch-mustgat
250 g chaschiel d’alp grattà

 

Preparaziun

Coier las spargias en aua salada che cuntegna in zic paintg. Coier las spargias alvas ca. 15 minutas, las verdas ca. 8 minutas.

Luentar il paintg per la sosa. Agiuntar la farina e stufar la massa sin temperatura bassa, truschar tut il temp. Stidar cun il latg e far buglir il liquid enten truschar. Laschar coier el levet ca. 10 minutas.

Cundir cun sal, paiver e nusch-mustgat tenor gust ed agiuntar 200 g chaschiel d’alp.

Metter las spargias en ina furma da gratinà unschida cun paintg e reparter sisura la sosa. Gratinar las spargias 20 minutas sin 220 grads en il furnel cun chalira sura/gril. Springir il gratinà suenter 15 minutas cun il chaschiel d’alp restant ed al laschar vegnir bel brin.

PDF per stampar