Quiche da chaschiel d'alp

Ingredienzas per 4 persunas

Per la pasta:

  • 200 g farina
  • 1 tp sal
  • 80 g paintg, fraid
  • 1 ov
  • ca. 1 dl aua

ubain ina pasta da petta pronta (diameter da 32 cm)

Per l’emplenida:

  • in zic paintg
  • 1 tschagula
  • 500 g por ubain in’autra verdura tenor giavisch
  • 2 dl groma
  • 4 ovs
  • 200 g chaschiel d’alp dir, sgrattà
  • sal, paiver

 

Preparaziun

Maschadar per la pasta la farina ed il sal en ina cuppa. Agiuntar ils tochins da paintg e sfruschar tut cun ils mauns, fin che la massa è bel smulusa. Derscher tiers l’aua e far da la massa ina pasta (betg empastar).

Metter la pasta ca. 30 minutas al frestg.

Stgaudar il paintg en ina padella, agiuntar la tschagula ed il por manizzads e coier a vapur var 10 minutas. Laschar sfradentar la verdura. Truschar la groma, ils ovs ed il chaschiel d’alp sgrattà, cundir cun sal e paiver, agiuntar la verdura e masdigliar bain.

Prestgaudar il furnel sin 220 °C.

Preparar ina furma da turta d’in diameter da ca. 24 cm: cuvrir il funs cun palpiri da furnel ed unscher en l’ur cun paintg.

Zullar ora la pasta sin in zic farina, fin ch’ella ha in diameter da ca. 30 cm. La metter en la furma preparada. Furar en il funs cun ina furtgetta. Derscher la maschaida da chaschiel d’alp e verdura en la furma.

Far coier la quiche sin la crenna dal furnel la pli bassa var 40 minutas.

PDF per stampar