Omlettas cun chaschiel d'alp e schambun

Ingredienzas per 4 persunas

Per la pasta:

  • 200 g farina
  • 2 dl latg
  • 2 dl aua
  • 4 ovs
  • 1 tschadun pitschen sal
  • in zic paintg

Per l’emplenida e la sosa:

  • 8 talgias schambun cotg (per exempel dal portg d’alp)
  • 300 g chaschiel d’alp grattà
  • 2 tschagulas manizzadas fin
  • 2 tschaduns gronds ieli
  • 2 tschaduns farina
  • 400 ml latg
  • 400 ml buglion da verdura
  • sal, paiver e nusch-mustgat

 

Preparaziun

Maschadar las ingredienzas per la pasta d’omlettas cun e fin il sal. Laschar pussar la pasta cuvrida ca. 30 minutas en temperatura da stanza. Luentar il paintg en ina padella e far cun la pasta otg omlettas.

Metter ina talgia schambun sin mintga omletta e la springir cun chaschiel d’alp grattà. Guardar d’avair danvanz anc 6 tschaduns gronds chaschiel d’alp. Rudlar en las omlettas e las metter ina sper l’autra en ina furma da scuflà engrassada.

Glasar las tschagulas manizzadas en ina padella cun ieli, silsuenter agiuntar dus tschaduns gronds farina. Laschar vegnir lev brina la farina enten truschar. Maschadar il buglion da verdura cun il latg ed agiuntar quella maschaida in pau a la giada a las tschagulas e la farina cun truschar cuntinuadamain. Laschar coier levet la sosa 5 minutas, silsuenter la prender davent da la platta. Dar tiers 3 tschaduns gronds chaschiel d’alp grattà e laschar luar quel. Cundir cun sal, paiver e nusch-mustgat.

Derscher la sosa en la furma da scuflà e springir il chaschiel d’alp restant sur las omlettas. Far coier ellas 25 – 30 minutas sin 190°C en il furnel prestgaudà.

PDF per stampar