Mundar ils tartuffels e grattar els cun la grattaduira da rösti. Agiuntar farina e sal. Truschar e sfruschar cun ils mauns, fin ch’ins survegn pitschnas ballinas.
Stgaudar la mesadad dal paintg en ina chazzetta da brassar che na tatga betg, metter en la chazzetta ils maluns e brassar els durant var 20 minutas. Adina puspè truschar e furitgar ils maluns. Agiuntar successivamain il rest dal paintg e truschar vinavant, fin che las ballinas èn croccantas.
Servir ils maluns cun chaschiel d’alp. Cun ils maluns van era bain a prà buglia da maila, cumpot da primblas u salata.