Per la sosa: stgaudar en ina padella in tschadun grond ieli da ravun e glasar il con d’agl. Agiuntar la sosa da tomatas, il sal ed il paiver e laschar coier levamain 10 minutas. Derscher la sosa en ina furma da gratinà.
Far vegnir brins ils nuschegls da pinia en ina padella e metter els da la vart.
Per l’emplenida: lavar il spinat, tagliar el en sdrimas e glasar el en ina padella. Prender davent da la platta e maschadar il spinat cun il chaschiel d’alp. Betg derscher en tut il chaschiel d’alp. Agiuntar l’ov e cundir cun sal e paiver. Maschadar bain.
Prestgaudar il furnel sin 180° C.
Coier las pastas en ina gronda padella cun aua salada 5 minutas main ditg che inditgà sin il pachet. Auzar las pastas or da l’aua cun in chaz furà, laschar daguttar bain ellas e metter ellas cun l’avertura ensi en la sosa da tomatas.
Emplenir las pastas cun la maschaida da spinat e chaschiel d’alp, springir cun il rest dal chaschiel ed ils nuschegls da pinia.
Laschar coier 30 minutas en furnel.