Carpaccio da charn setga e chaschiel d’alp

Ingredienzas per 3 persunas

• 250 g primblas, tagliar 150 g en quadrins e 100 g en sniclas
• 2 TG aschieu
• 2 TG ieli d’ulivas
• 1 TG aua
• ½ TG mel d’avieuls
• 1 presa sal ed in zic paiver

• 100 g charn setga
• 100 g chaschiel splanà rullà
• 50 g latitschun fegl-ruver ubain ruca
• ampuaunas u autra fritga stagiunala per decorar il plat

Preparaziun

Dar ils quadrins da primblas, l’aschieu, l’ieli, l’aua ed il mel d’avieuls en ina padella e dar in sbugl. Cuvrir la padella e laschar coier levet la sosa ca. 3 minutas. La cundir e laschar sfradentar.

Metter sin in plat la charn setga, las sniclas da primblas, las rollas da chaschiel e la salata e derscher surengiu la sosa da primblas.