Capuns da fegliascha

Ingredienzas per 4 persunas

  • per persuna 4-6 bels fegls da fegliascha giuvens (fegls da lavazza)

Pasta da bizochels:

  • 2 cuppins farina
  • 1 cuppin aua
  • 2 ovs
  • ½ salsiz
  • 1 tschagula
  • 1 tschadun pitschen sal
  • feglia da menta, manizzada
  • tschagugliuns, manizzads

Sco era:

  • chaschiel d’alp sgrattà
  • 4 dl latg
  • 4 dl aua
  • paintg

 

Preparaziun

Lavar bain, sbuglientar curtamain e laschar sguttar ils fegls da fegliascha.

Metter tut las ingredienzas per la pasta da bizochels en ina cuppa e truschar bain, fin che la pasta fa vaschias. Laschar pussar la pasta ina mes’ura.

Metter sin mintga fegl da fegliascha in zic pasta da bizochels e rudlar ensemen els. Brassar curtamain ils capuns d’omaduas varts en in zic paintg, per ch’els stettian ensemen bain.

Tschentar ils capuns en ina furma da gratinar unschida e derscher surengiu tuttina bler buglion e latg. Sterner suravi chaschiel d’alp.

Coier ils capuns ca. 30 minutas en furn.

PDF per stampar