Bizochels cun verdura e chaschiel d'alp

Ingredienzas per 6 persunas

500 g farina
5 ovs
1 tg sal
3 dl aua
300 g chaschiel d’alp
300-500 g verdura stagiunala
4 tg paintg da brassar
1 tg sal cun ervas d’alp

 

Preparaziun

Maschadar la farina cun ils ovs e l’aua, salar. Truschar ad ina pasta (tip: la pasta è buna, cura ch’ella fa pitschnas scuflas). Laschar pussar la pasta 1/2h.

Grattar il chaschiel d’alp e tagliar la verdura en quadrins.

Stgaudar l’aua (betg la coier) e sgrattar ina purziun pasta tras il cul da bizochels en l’aua. Spetgar fin ch’ils bizochels nodan a la surfatscha, als prender ord l’aua cun il chaz furà ed als metter sut l’aua da spina fraida. Repeter quest pass fin che tut la pasta è elavurada.

Stgaudar la padella da brassar e luar lien 1 tg paintg da brassar. Agiuntar la verdura e la brassar ca. 5-10 minutas. Cundir cun il sal cun ervas d’alp u tenor giavisch. Derscher en ina stgadella.

Stgaudar en ina padella 3 tg paintg da brassar, agiuntar ils bizochels e dar ad els ina brassada fin ch’els èn da tuttas varts bel brins. Metter tiers la verdura e maschadar. Cundir tenor giavisch.

Agiuntar il chaschiel d’alp, cuvrir la padella cun il viertgel e laschar luar il chaschiel 2-3 minutas.

Alternativa: empè da metter ils bizochels sut l’aua da spina, als pudais Vus era metter directamain en ina furma da gratinà. Emplenir ella cun ils bizochels, il chaschiel grattà e la verdura en rasadas. Metter il gratinà en il furnel stgaudà sin 180 grads fin ch’il chaschiel è luà.

PDF per stampar