Bastunets da chaschiel d'alp

Ingredienzas per 4 persunas

Per la pasta:

  • 400 grams farina
  • 400 grams tartuffels farinus
  • 1 ov grond
  • 100 grams paintg
  • sal

Per l’emplenida:

  • 150 grams schambun, taglià fin
  • 150 grams chaschiel d’alp, grattà fin
  • 1 ov, sbattì

 

Preparaziun

Coier ils tartuffels fin ch’els èn loms, als laschar sfradentar. Spaletschar e smatgar els cun il pistun u ina pressa da tartuffels. Alura maschadar quella massa cun la farina, l’ov, il sal ed il paintg ad ina pasta.

Zullar ora fin la pasta ad in grond rectangul, stritgar si l’ov sbattì. Reparter il schambun ed il chaschiel d’alp sin ina mesadad da la pasta e cuvrir quella cun l’autra mesadad. Smatgar ensemen levet las pastas. Tagliar la massa en strivlas d’ina ladezza da 2 cm. Struvegiar pliras giadas las strivlas ed anc ina giada stritgar si ov.

Coier en il furn d’aria circulanta prestgaudà circa 15 minutas sin 180 °C.

PDF per stampar