1350 chascharias d'alp en Svizra. Per tes mument culinaric en il mintgadi.
Las muntognas svizras n’èn betg mo enconuschentas per lur pizs marcants e maiestus. Surtut ina spezialitad da las muntognas fascinescha en l’entir mund: il chaschiel d’alp svizzer. Durant ils mais da stad fan las signunas ed ils signuns sin 1350 alps l’enconuschent chaschiel d’alp svizzer.
Da l’alp a chasa
Chaschiel d’alp svizzer po vegnir numnà unicamain il chaschiel che vegn fatg cun il latg da vatgas, chauras u nursas che pasculeschan si d’alp. Ultra da quai sto il chaschiel vegnir producì sin l’alp sezza. Il num è numnadamain protegì. Decisivs per il gust nunconfundibel dal chaschiel d’alp svizzer èn il grond dumber e la varietad incredibla da plantas ed ervas dals prads da muntogna. Ma quai n’è betg tut. Mintga regiun ha sias atgnas tradiziuns e ses agen recept. Intginas alps protegian schizunt sur plirs decennis sco in stgazi il recept da famiglia da lur chaschiel. L’aroma, la colur, la furma e la direzza dal chaschiel d’alp svizzer èn uschè divers sco la Svizra è multifara. I vala damai la paina da sagiar tuts!
Videospot 1
Videospot 3
Videospot 2
Videospot 4
Istorgias d’alp
Co è ella, la vita si d’alp? Nossas bloghistas e noss bloghists raquintan da lur stad en las muntognas, da lur eveniments, lur experientschas e natiralmain da la producziun da chaschiel.
Visitar in’alp
Nua datti dapertut alps en Svizra? Tgenina vulain nus visitar a chaschun da nossa proxima excursiun? Sin nossa charta pudais Vus scuvrir a moda virtuala ina gronda part da las 1350 alps svizras.
Cumprar chaschiel d’alp
Avais Vus survegnì quaidas? Nus avain in pèr tips, nua che Vus pudais cumprar chaschiel d’alp svizzer stagiunal – e quai durant ed era suenter la stad.
Esser al current
Nossa newsletter (per tudestg u franzos) infurmescha mintga mais davart temas actuals en connex cun il chaschiel d’alp svizzer. Abunai ella ussa per vegnir a savair dapli da nossas activitads, per leger las pli novas contribuziuns da blog, scuvrir ils lieus da degustaziun u udir las ultimas novas da las vatgas sin nossas alps.