Tamons
L’alp
L’Alp Tamons tutga a la vischnanca administrativa da Sargans; l’intschess d’alp sa chatta sin il territori da Mels.
L’alp da vatgas vegn chargiada cun 88 vatgas da latg, 40 portgs d’alp, quatter giaglinas ed in giat. In team da trais dels (signun, zezen e paster) transfurma en il stavel sut ed en il stavel sura ca. 80’000 l latg en radund 8’000 kg chaschiel d’alp e circa 600 kg paintg. La surfatscha d’alp cumpiglia var 730 hectaras, las pastgiras èn situadas sin 1’600 fin 2’150 m s.m.
Sin l’alp da biestga grossa vegnan chargiads stgars 400 arments, mugias e vatgas-mamma.
Da sanestra a dretga:
Lukas Weithas, Lukas Andorfer, Benjamin Stillhart
Il team da l’alp da vatgas
Lukas Andorfer (signun); pedagog social; annada 1988; dad Alberschwende en il Vorarlberg, Austria; ha rimnà diversas experientschas sin alps en il Piemont ed il Vorarlberg (5avla stad sin l’Alp Tamons)
Lukas Weithas (zezen); pedagog social, artist; annada 1991; da Bregenz en il Vorarlberg, Austria; ha passentà ina stad sin in’alp socialpedagogica en il Vorarlberg ed ina stad en Glaruna (5avla stad sin l’Alp Tamons)
Benjamin Stillhart (paster); pedagog social; annada 1988, da Kirchberg en il Toggenburg; ha lavurà sin ina ranch da latg a Wisconsin ed ina stad sin in’alp socialpedagogica (5avla stad sin l’Alp Tamons)
Il team da l’alp da biestga grossa
Paul e Gabi Grünenfelder da Mels; els han passentà gia passa 30 stads sin differentas alps en la regiun da Sargans. Igl è lur 23avla stad sin l’Alp Tamons.
Lieu
L’intschess da l’Alp Tamons cumenza sur Mels, dasper Mädris e Vermol e l’Alp Schwarzenberg-Hochschwändi. L’emprim vegn il stavel sut e lura il stavel sura.
