Enavos

Pré de Bière

L’alp

Questa tegia d’alp tipica sin 1345 m s.m., amez 116 hectaras pastgira, porscha la chaschun da giudair products regiunals e las bellezza cuntradas dal Giura Vadais.

La tegia d’alp da Pré de Bière damanaivel dal Col du Marchairuz è d’ina vart in lieu cun ina ritga istorgia. Da l’autra vart è il bajetg vegnì renovà dacurt per pudair beneventar optimalmain las visitadras ed ils visitaders.

La famiglia Germain ha plaschair da viandantas, viandants e nas fins che assistan a la producziun da chaschiel, sagian il chaschiel e cumpran ils products regiunals delizius.

Da bell’aura pasculeschan var tschient vatgas sin la Pré de Bière e dattan il latg per il Gruyère d’alpage AOP che vegn producì al lieu gist sco la quagliada, il paintg e la groma dubla.

La squadra

• Dunna Germain sa deditgescha al bainvegni da las visitadras e dals visitaders ed a la vendita dals products e guarda che la tegia d’alp saja adina schubra e netta.
• Signur Germain s’occupa da la producziun dal Gruyère d’alpage AOP.
• Trais pasturs gidan ils dus da far las lavurs quotidianas.

Elisabeth Germain

Elisabeth Germain

Philippe Germain

Philippe Germain

Tanguy, Bertrand et Célestine

Tanguy, Bertrand et Célestine

Noss products

• Gruyère d’alpage AOP
• tschigrun
• groma dubla
• paintg
• charn da l’alp
• merengas
• craclins
• glatsch dal bain puril
• mel e confituras

Ustaria d’alp

Ina plazza bellischma davant la tegia d’alp envida gruppas e viandantas e viandants da far in paus.

Enturn maisas autas pon ils giasts baiver in magiel Chasselas dal Vad, giudair in’aissetta da spezialitads da la chasa e surtut dar ina baterlada.

 

Chascharia da demonstraziun

La famiglia Germain envida da las 7.00 fin las 9.30 gruppas da guardar co ch’il signun fa il Gruyère d’alpage AOP. In curt film suenter la demonstraziun ed in abundant ensolver cumpletteschan l’occurrenza. Interpresas e scolas vegnan ad esser intgantadas.

La purschida custa CHF 18.00/persuna.
Elisabeth Germain prenda gugent encunter reservaziuns per telefon 079 754 04 78.

https://www.alpage-pre-de-biere.ch

Excursiuns

Sur il Col du Marchairuz datti dus trajects da mountainbike e sendas da viandar.