Formazzora
L’alp
L’Alpe Formazzora sa chatta sin il territori dal vitget dad All’Acqua (da l’autra vart da la val) cun ils stavels: Formazzora, 1’653 m s.m. / Stabbiascio 1’914 m s.m. / Val d’Olgia 2’063 m s.m.
Maximalmain 85 vatgas e 20 portgs pon ir ad alp durant la mesadad/fin da zercladur fin l’entschatta da settember. Ca. 80’000 liters latg vegnan transfurmads en otg tonnas chaschiel ed in zichel paintg.
Ils frars Gasparus e Martinus han vendì l’alp ils 28 da fanadur 1358 per 155 liras a la vischnanca burgaisa da Tarnolgio (oz vischnanca burgaisa da Mairengo). Anc oz è ella en possess da l’alp e la dat a fit mintg’onn als “boggesi”.
Il team
L’Alpe Formazzora vegn manada dals “boggesi” (societaris). Quels sa cumponan dals purs e da la suprastanza. La suprastanza e la secretaria èn responsabels per l’administraziun ed engaschan il mars in team da quatter persunas (signun, zezen, paster e paster pitschen).
Noss products
L’Alpe Formazzora producescha sulettamain chaschiel d’alp ed in zichel paintg. Quests products vegnan furnids cumplainamain als boggesi che als vendan silsuenter a persunas privatas, grottos/restaurants/hotels.
Lieu
Il vitg dad All’Acqua è bain cuntanschibel cun l’auto da posta e l’auto privat. L’Alpe Formazzora sa chatta da l’autra vart da l’aual (sur il vitg è ina pitschna punt – per plaschair serrar la porta!!!) ed è bain cuntanschibla en 10 minutas a pe. I vala la paina da far in’excursiun en la Val D’Olgia (il terz stavel da noss’alp) e sin il Passo San Giacomo che maina en la Val Formazza (Italia). L’entira Valle Bedretto è ultra da quai fitg favuraivla per famiglias e porscha er a geniturs cun uffants in segiurn plaschaivel.
