Infurmaziuns per producents

 

Premiaziun da chaschiel d'alp a l'Olma

La marca da tetg Chaschiel d'alp svizzer sustegna tant sin nivel da communicaziun sco era da finanziaziun questa distincziun impurtanta da products da qualitad.

Tut ils producents da chaschiel d’alp èn cordialmain envidads d’inoltrar lur products en las tschintg categorias «chaschiel mez dir», «chaschiel dir», «chaschiel da splanar», «mutschli» e «chaschiel-nursa/chaschiel-chaura» per la premiaziun da chaschiel d’alp a l’Olma. En vista a l’Olma giuditgescha e valitescha ina giuria las sorts da chaschiel inoltradas tenor differents criteris.

Tagliar e conservar correctamain products d'alp

Gia en il decurs da la stad pon ins cumprar differents products d'alp si d'alp, en butias dal bain puril, en butias dal vitg u tar grossists. Attenziun speziala duess ins far a l'emballadi ed a l'etichettaziun, per ch'il client sappia danunder ch'il product d'auta qualitad deriva e nua ch'el po puspè cumprar el.

 

Cun tagliar chaschiel d’alp ston ins resguardar intgins puncts, pertge ch’il client na vul betg mo avair la crusta en il taglier u metter sin maisa tocs chaschiel tagliads mal. L’utensil da tagliar sto adina esser net e gizzà bain. Cuntels da chaschiel ideals èn cuntels da pugn u cuntels a dus manetschs. Cun tagliar ston ins far stim da mai na surtagliar il center. Uschia guarda er anc l’ultim toc chaschiel garantì ora bain. Il tagl na dastga betg esser tschufragnà cun crusta, enconuschentamain gioga l’optica ina rolla impurtanta en connex cun l’appetit. Per la vendita averta èsi impurtant da betg tutgar en la massa da chaschiel cun la detta. Vender chaschiel cun improntas dal det: quai è in absolut no-go! Suenter mintga toc chaschiel vendì e suenter avair purziunà ina magnucca sto il chaschiel vegnir mess a frestg, per ch’el mantegnia sia furma.

Cuntè a pugn

Cuntè a dus manetschs

Ins vesa anc oz products pachetads mal. Quai èn per exempel emballadis or da folia naira u gasettas tatgadas cun bindel d’unglas. Quai na va betg! Igl è impurtant ch’ina victualia d’auta qualitad vegnia era pachetada correspundentamain. Blers clients apprezieschan da puspè pudair pachetar il chaschiel d’alp a chasa en in palpiri da chaschiel surtratg per al conservar. Chaschiel d’alp svizzer metta a disposiziun per in bun pretsch material d’emballadi per vender chaschiel d’alp. Sco commember dals Producents Svizzers da Latg (PSL) profitais Vus da cundiziuns spezialas.

Butia

 

Blatga per in stan da martgà per commerzialisar directamain il chaschiel d'alp

Sco producenta u producent da chaschiel d'alp e sco commembra u commember dals PSL pudais Vus emprestar gratuitamain blatgas per in stan da martgà.

 

Per dumonda pon vegnir emprestadas ina fin duas blatgas per in stan da martgà (400cm x 320cm). Las blatgas pon ins retrair a partir da l’entschatta d’october fin mez avust da l’onn proxim a Schüpfheim (LU). P.pl. returnar ellas en il medem stadi.

Bruno Hafner
Schächlimatte 4
6170 Schüpfheim
Tel: +41 41 484 11 10 / +41 79 439 77 11
E-mail: info@fidirulla.ch

Toni Schnider
Hauptstrasse 43
6170 Schüpfheim
Tel: +41 41 484 12 06 / +41 79 334 14 62
E-mail: info@schniderbus.ch

 

Adopt-an-Alp®

Adopt-an-Alp® è in program che derasa e commerzialisescha il chaschiel d'alp svizzer en l'USA.

 

La pastriglia svizra venda ses products en l’America. Ils clients en l’USA èn butias da chaschiel, negozis da victualias cun banchettas da chaschiel invitantas e restaurants d’auta qualitad.

Sut www.adopt-an-alp.com chatt’ins tut ils manaschis d’alp participads sin ina charta da la Svizra cun in curta descripziun. Ils clients americans interessads tschernan avant il cumenzament da la stagiun d’alp «lur alp» e s’impegnan da cumprar ina quantitad minimala da questa alp. Durant la stagiun d’alp stat Adopt-an-Alp en contact cun ils purs participads e tgira in blog sin la pagina-web, nua ch’ils clients pon persequitar la vita «da lur famiglia» ed ils schabetgs «sin lur alp».

Il participants ston metter a disposiziun fotos e novitads regularas da l’alp. Cun quest material vegn emplenì il blog ed uschia sveglià las mirveglias ed il gust dals clients finals.

P.pl contactar:

Caroline Hostettler
Adopt-an-Alp®
Quality Cheese
Fort Myers, FL (USA)

Tel: +1-239-246 0523
E-mail: chostettler@comcast.net