Obersäss
Obersäss
Mit dm Veh simmr albig no im Obersäss. Diä letscht Ziit hets zimmli Rägä geh und di Temperäturä sind au zruck. Ja dr Herbscht chund langsam abr sicher nöcher. Zum Mälchä hemr ezä no 88Kuäh, diä anderä hemr chönä Galtstellä. Dases langsam uf dä Herbscht zuagoht merktmä dm Veh ah, si sind au afä Muäd.
Wemr dr Ziit hend denn tuämer afä Holzpföschtä für negscht Johr widr parat machä und uffüllä. Das git zimmli Arbet, nu scho bismä di Tannä gfellt, gaschtet und in rugäli gschnittä het und drno muässems no zuäschnidä und aspitzä.
Aso zlangwilig hemr uf allfäll sicher ni:).
