"Hülfa" - Alpkäse

So hüt isch dr 15 Juli und üsi letscht hülf isch itroffa. Dr ganz Summer dür verteilt hend miar 3 hülfa, sind alli no ir Schual aso eini fangt de im August d Lehr ah. Ez denkend a teil sicher was tüand de dia no wenns so viel hend wo hälfend, aber miar gnüssend das u narra wenn au biz aswas lauft und wia viel mol ischma froh wema nu sägä cha holmer no gschwind das oder das und wema aswer hed wo in üsem fall d Kannta leert oder hülft z`Nacht rüsta, Butter mödala und ipacka und freud hed an dem Alpläba. Z allerhübschta aber isch fr üs dass sie alli letsch Johr scho do gsi sind und dases na indemfall gfalla hed das sie alli wider hend wella cho, und genau aso hez bi miar au agfanga. Mina Ätti isch Alpmeister gsi und so hend mini chlei Schweschter und i au amol döffa go Alpluft schnuppara s hed de mi zwei Wucha agfanga und isch nocher de di ganza 7 Wucha Summerferia ganga über 4 Johr. Dank dem bini de au druf cho dasi Käserin lärna will. Das isch ezde afa bald amol 12 Johr här und miar hend immerno Kontakt mi dr Käserin wo döt in 3 vo dena 4 Sümmer z Alp gsi isch und i denka au fr sie isches hübsch wema dia chleina Meitla no dena Johr sälber gseht z Alp go. Wema so hülfa hed wo gärä chömend, muassma das u narra schätza und na wenns god a Iblick in abiz alles geh, will das sind denn villicht genau dia wo in a paar Johr sägend sie wellend sälber au amol z`Alp.

Am mödala

Am Butter ipacka