Fertig mi zügla - Alpkäse

Dr letsch Samstig simer uf da Obersäss züglet. Alli Tiar sind heil dobna a cho und jetz bin au i nüma allai am Morget. Au itroffa isch üsi zweit hülf und dia beda sind eifach super. Di letschta Täg hez gad u narra grägnet und gwitteret, aber das hez ez au brucht das z Gras auno a biz wachst und no dr letscht Schnee fort mag. Ez momentan schiint aber bi üs au z Sunna.

Eimol dr Jeep und dr Ahenker rächt gfüllt und nu hoffa das alles heil dobna a chund.

Au d Schwii hend freud wenn aswas lauft und ab und zua a Kuah verbi luagt. Wills aso u narra heiss gsii isch und si natürli dr ganz Tag hend müassa verdussna si, hemmer na es Schlammbad igrichtet, das hetti de sölla Sunnacreme sii, no a paar schücha versüach sinds de dr ganz Tag döt dina glägä.