Bald isch scho färtig - Alpkäse

Bald isch scho färtig

Ez hemr scho mitti September und scho gli gönd miär mim Veh widr zruck ins Tal. Diä Alpziit isch vergangä wiä im Flug. Miär Älpler und ds Veh gnüssend no diä letschtä Täg vo dem Alpsummer bismr de am 21. September vo Alp gönd.

Äh hufä Züün sind scho abgleid und ds Obersäss isch scho parat für dä Winterschlof;).

Diä Wuchä hemr no einiges ztua d Chästeilig stoht ah und Tschäpplä ( Bluamaschmuck für dChuäh)machä. Alli Züün ablegä woma no chan, Züün parat machä für d Alpabfahrt usw.. Ja äs lauft no einiges.

Bis ezä hend miär ah hübschä Alpsummer ka, ds Wätter hed supper mitgmacht und ez hoffemer au, dasses no ah hübschä Abschluss git und alli Chuäh guät und gsund wid zruck ins Tal chömend. 🙂