Die Stockhornbahn feiert dieses Jahr das 50-jährige bestehen. Bei der Jubiläumsfeier hat Werner nun eine Rede zum Thema Koexistenz von Tourismus und Alpwirtschaft gehalten. Unten seht ihr nun die Abschrift von dieser Rede.

Koexistenz bedütet äs unabhängigs nebänand vo zwünä Ding, i disem Fall Alpwürtschaft u Tourismus. I mengem Fall ischs o äs abhängig si.

D bestossig vo dä Alpä mit Veh, herstellä vo Ches, Ankä, Nidlä, mi cha o Nidltäfeli machä u Weidpfleg isch Alpwürtschaft.

Dr Begriff Tourismus umschribt reisä, kennä lerä vo fremdä Ort u dient dr Erholig.

D Alpwürtschaft cha dank em Tourismus ä grossä Til vo ihrnä Alprodukt diräkt vermrktä.

Dr Tourismus het gmekrt, das mä mit dr Alpwirtschaft guet cha wärbä, ä Art heili Wält näbem gstress im Alltag.

Wesi dür ds Gras lufe, äs Füürli machä im Land un Cervelat brätlä, het d’Alpwürtschaft weniger früüd am Tourismus.

Mi brichtet mit dä Lüt, u de chunnt d Antwort: «Aha, hani nid gwüsst.» De bruchts Glassehit, Toleranz u Verständnis uf beidne Sitä.

Mi chunnt mit dä Touristä oh ids Gspräch, was cha ä Horizonterwiterig bringä, bi denä Ussichte isch das aber no schwirig.

Äs git o di überraschende Begägnigä wo d Lischtigä vor Alpwürtschaft annerchenä. U ihm äs Nötli id Hand drück würd. Als Alpwirtschaftbetriber chöntämä minä mir sigi Hinterwäldler. Chömä doch Touriste bir Hüttä uf d Terrasä, u di mischt gstellti Frag isch «Hit ier äs WC?». D Antowrt isch de ja.

Scho miner Vorfahrä hi ds Potenzial vom Tourismus erkennt u ufem Stockhorn ds erschtä Bärghus erstellt.

Uf der Oberstockäalp si scho vor dr Zit vor Stockhoräbahn Feriälüt beherbärgt worde, unter anderem Getrud Heinzmann wo ds Buech «Sechs am Stockhorn» het gschribe. Sit dr Zit vor Stockhoräbahn het dr Tourismus starch zue gnoh, was für d Alpwürtschaftbetriber natürlech überiwegend positivi Uswürkigä het.

Als Alpbewürtschafter vor Oberstockäalp hi mier mit dr Stockhoräbahn sit mengem Jahr äs partnerschaftlechs Verhältnis. Mir gratulierä dr Stockhoräbahn zum 50-jehrigä Jubiläum. U genau das isch Koexistenz zwüschä Alpwürtschaft u Tourismus.

Weitere Geschichten